من تلفونك، من أي مكان
طفّي، شغّل، واطمّن على البيت وإنت بالشغل أو مسافر.
كل أجهزة بيتك، بتطبيق واحد.ومن غير وجع راس.
مكيف LG، تلفزيون Samsung، إنارة على Smart Life، مفاتيح Sonoff… وكل جهاز إله تطبيق. دارَك بتجمعهم كلهم بتطبيق واحد بالعربي، وبتخليهم يشتغلوا مع بعض. وإنت ما عليك إشي: إحنا منركّب ومنربط ومنتابع.
- كل الماركات بتطبيق واحد
- إحنا منركّب ومنتابع عنك
- بتحكي معه بالفلسطيني
كل ماركة إلها تطبيق؟ خلص، صار في تطبيق واحد.
دارَك بتجمع أجهزتك من كل هالماركات وغيرها بتطبيق واحد، وبتخليها تشتغل مع بعض.
eWeLink
Sonoff
Smart Life
Tuya
LG ThinQ
Samsung SmartThings
Gree
Midea
Xiaomi
Philips Hue
Alexa
Chromecast
Broadlink
Shelly
Daikin
EZVIZ
مش متأكد إذا جهازك بيزبط؟ ابعتلنا اسمه أو صورته عالواتساب ومنقلّك.
شو يعني بيت ذكي مع دارَك؟
يعني كل أجهزة بيتك، من أي ماركة، بتصير تحكي مع بعض ومعك. بتتحكم فيها من تلفونك من أي مكان، وبتشتغل لحالها حسب روتينك، وإذا صار إشي غلط بتعرف فوراً.
البيت بيشتغل لحاله
الإنارة والسخان والمكيف بيمشوا حسب مواعيدكم، من غير ما تضل تتذكر.
بتعرف أول بأول
بيوصلك تنبيه على تلفونك إذا انفتح الباب، أو انقطعت الكهربا، أو صار إشي مش طبيعي.
أمثلة من بيوت زي بيتك
كل بيت غير. هاي أشياء منضبطها كتير، ومنختار معك اللي بيناسبك.
احكي معه بلهجتك
قول «ولّع ضو الصالون» أو «طفّي المكيف بغرفة النوم» زي ما بتحكي عادي. بيفهم الحكي الفلسطيني، مش لازم فصحى. وإذا عندك Alexa، بتقدر تربطها كمان.
شغّل السخان وإنت راجع عالبيت
بتوصل والمي سخنة، والسخان بيطفي لحاله بعد الوقت اللي بتحدده. توفير بالكهربا وراحة بال.
نسيت المكيف شغّال؟
طفّيه من تلفونك، أو خلّيه يطفي لحاله لما تطلعوا كلكم من البيت.
بتعرف إذا البيت فصل
إذا انقطعت الكهربا أو الإنترنت عن البيت بيوصلك تنبيه، وبتعرف كمان لما ترجع.
افتح البوابة من وين ما كنت
لضيف أو لتوصيلة وإنت مش بالبيت، افتح البوابة من تلفونك، وبيوصلك تنبيه إذا ضلّت مفتوحة.
الحوش بيضوي مع المغرب
إنارة برّا بتشتغل لحالها وقت المغرب وبتطفي آخر الليل، حتى لو إنت مش بالبيت.
بعض الأمثلة بتحتاج أجهزة أو حسّاسات إضافية. منحكيلك بالزبط شو بتحتاج قبل ما نبلّش.
إنت بتحكي، والباقي علينا
ما في داعي تفهم بالتكنولوجيا ولا تنزّل عشر تطبيقات. من غير وجع راس: إحنا منختار معك، منركّب، منربط، ومنضل معك.
- 1
منحكي
منسمع شو بدك من بيتك وشو عندك أجهزة، ومنعطيك خطة واضحة مع التكلفة.
- 2
منركّب ومنربط
منربط أجهزتك الموجودة من كل الماركات، ومنركّب اللي ناقص، وكلهم بنظام واحد خاص ببيتك.
- 3
بتستلم تطبيقك
لوحة تحكم بالعربي على تلفونك، مرتبة حسب غرف بيتك، ومنعلّمك عليها.
- 4
منضل معك
تحديثات ونسخ احتياطية ومتابعة مستمرة. وإذا احتجت إشي، بتحكي مع حدا بيعرف بيتك.
شو علينا، وشو عليك
علينا
- الإعداد وربط الأجهزة من كل الماركات
- الأتمتة حسب روتينكم
- التحديثات والصيانة
- نسخ احتياطية منتظمة
- الدعم لما تحتاجه
عليك
- إنترنت بالبيت
- تلفون ذكي
- أجهزة متوافقة، ومنساعدك تختارها
بيتك إلك
كل بيت عنا إله نظام منفصل وشبكة خاصة فيه، فبياناتك ما بتختلط مع حدا. ما منبيع معلوماتك الشخصية، ومنعمل نسخ احتياطية منتظمة لإعدادات بيتك.
اقرأ سياسة الخصوصيةأسئلة بتنسأل كتير
شو بصير إذا انقطع الإنترنت؟
الأجهزة بتضل تشتغل من مفاتيحها العادية بالبيت. التحكم من التلفون والأتمتة بيرجعوا أول ما يرجع الإنترنت.
لازم أغيّر كل أجهزتي؟
لأ. دارَك بتشتغل مع أجهزة من ماركات كتير زي Sonoff وSmart Life وLG وSamsung. منبلّش من الموجود عندك، وإذا في حاجة لأجهزة جديدة منقترح أجهزة متوفرة بالسوق المحلي.
التطبيق بالعربي؟
آه. لوحة التحكم بالعربي، ومرتبة حسب غرف بيتك.
لازم أحكي معه فصحى؟
لأ. بتحكي معه بلهجتك الفلسطينية العادية، زي ما بتحكي مع حدا بالبيت. وإذا بتحب، بتقدر تحكي معه بالإنجليزي كمان.
قديش بتكلف؟
بتعتمد على حجم البيت والأجهزة اللي بدك إياها. بعد أول محادثة منعطيك سعر واضح قبل أي التزام.
احكيلنا عن بيتك
ابعتلنا رسالة على واتساب: وين بيتك، شو الأجهزة اللي عندك ومن أي ماركة، وشو بتحب يصير لحاله. منرجعلك بأقرب وقت.
احكينا عالواتساب+970 59 855 1550أو ابعتلنا إيميل على contact@darak.ps